2013年6月11日 星期二

又到夏天* 太陽既季節啦~



又到夏天啦~
頭頂個太陽真係好勁! 
本身我係做游泳教練既~ 日日對住個太陽~ 真係有太陽恐懼症呀!!

因為工作關係~ 防曬係一定~ 仲要用防水既~ 所以今日我就講講防曬先!

那~ 基本上! 我消耗防曬既能力就好似飲支水咁快! 
因為個個鐘補, 全身用~所以我通常只買平價防曬~
個D 名牌既, 化妝品牌既~ 我唔會買~ 唔係真係買到窮呀~~
而平價中, 我真係試左好多~

先講唔得既先!!!


對於得咁曬法! SPF130 好吸引~
可惜~ 無料到~ 一樣會曬傷會曬黑!!!









咁又以為係因為無美白成分, 走去買有美白嫁啦~
咪一樣黑 = =''



仲要用左3個鐘已經發現會爆倉 !!!

里個真係唔OK!!! 爆倉係已經立即可以停用!!!





 


賣曬廣告~ 可惜勁笠同唔防水~
一落曬已經起白色水粒~






又一笠到喊之作~ 好恐怖~
一搽已經一面油~ 無得救








講下OK既先~


KISS ME其實係OK既防水既~
不過~
都要有個好既卸妝~

因為有係試過卸得唔好又KEEP住用~
一派之後, 隻腳變左灰色~~~






最好用!!!!





BIORE既防曬!! 無得輸~~
清爽唔笠~ 仲好保濕!!






佢係有D 膏狀既!!
但效果真係羸曬~~ 

 強烈推介!!!!








防曬好重要~ 日日都要用既~
所以唔好懶, 要試多幾隻呀~

搽左防曬, 就要記得卸~ 唔係就防左黑但防唔到爛面~!!


2013年3月11日 星期一

eye product

我相信好多人都有用多色組合既eyeshadow
88色既eyeshadoe最出名既應該係coastal scents
但我里盒唔係..里二盒只係係團購買既..
coastal scents我就無用過啦~~
不過有左里兩盒, 我只能講.. 邊到有人用得著咁多色呀!!!!

所以 無咩需要 真係唔洗買咁多色!!

里個係效果~ 
色.. 無你睇到咁深..
用落都幾自然!!
不過lasting 就麻麻地啦..
好快唔見曬啦~~
如果你想long lasting D ~
可以上左eyeshadow base 或者上一層薄薄既遮暇打底先~
咁樣唔只long last d..眼窩既顏色都會平衡D..


上面張圖仲用左2個product
第一個係

Kiss me既里支睫毛液 真係無得輸..
一D都唔會痴要一舊舊..
而且搽出里好自然~~

所以 ~推介嫁!!! 我會再買再用!!!

第2樣就係Dolly Wink 既眼線筆

之前講過唔係咁鍾意用筆..但今次買左里支,,都OK WOR!!
一件係閃白.另一支係黑既..
支筆好靚~ 畫出里都好OK嫁~~

不過有個缺點..就係佢有DD軟..用筆刨既話..係刨唔到既!!!

另外~~ 仲有一個好好既eyeliner product推介!!

里個其實係IMORE既邀請試用!!
MAYBELINE
你以為請你試用就係打手??

SORRY..我好賤..唔好用既我唔會放出里呃人~~

 我相信好多人用過就會發現~~ 里支eyeliner好幼!!!
幼到我相信每一個人用都要畫多幾條~~.
但係好正!!因為你點畫都得!!
幼又靚色!!唔會俾支筆局限畫既野..

而且~~ long lasting product!!
里張圖睇得好清楚~~
eyeshadow 無曬..
但條眼線仲係到!!!

所以!!我推介你真係應該要試下啦!!!

2013年1月16日 星期三

好既PRODUCT 差既SERVICE

之前講過 我買左 里樣野!!!

但我係第一次用既時候..發現左條小裂痕..

咁當然..係飛去換貨啦...始終激光wor..

點知..個sales姐姐話睇唔到..換另一個人睇.. 就話係正常..

姐係唔會換.. ok!! fine!! 
我好清楚咁問左佢會唔會影響使用..佢話唔會!!!咁ok啦!!  前提係佢態度差!!!我都唔想再睇佢面色囉..搞到我好似里呃錢咁 :(

結果..反左去再用... 係發現無反應!! 
定義係: 之前用會feel到有個毛囊被燒既感覺..現家係完全無feeling..
雖然我唔知關唔關條裂痕..
但事實係 佢令我又要行多轉..但因為係第10日..
過左7個換新機既限期..要去代理到維修囉!!!

去到代理到..佢反問我.."商店唔肯換俾你咩?!"  *0*
但最後..佢既服務好好咁試過唔得就換左部新既俾我


總括里講: 我覺得product其實唔差..不過d sales姐姐好差.. 絕對打擊我下次買既意欲!!
我的確買得唔多!!得個一部... 但都$3250啦.. 可唔可以態度好d?!

2013年1月5日 星期六

PEELING 介紹!!

好!!!基於我覺得塊面DIRTY呢..
就去搵PEELING NA..
係我搵到既BLOG到都話里支BIO-ESSENCE好好用//
好!! 我仆落街買里用..
如果 係 我講左句.. 仆街 :P..
 
一D都唔好用..
唔WORK囉..乾手用..就真係DD水都唔可以有..
一滴汗都足以出現無反應既效果..
 
仲要原本係灰色既..姐係用完都唔知係咪真係整左D 污糟野出里..
吹脹..
用左無5次... 扔都扔唔次!!!!!
 
D BLOGGER係咪盲嫁???咁都讚好?! 呃人!!
 
 之後就買左里個..
都OK既..
 
係泡狀..都係要乾手用..但就唔洗真係一滴汗都會唔WORK個隻囉..
 
佢最好既地方係我真係見到佢WORK!!
因為佢D泡係白色既..
第一次既時侯D粒粒係變左超深既灰色..
即時做第2次...係變左淡D既灰色..
 
我覺得都幾FUNNY嫁..
而且..平!!!
好似80蚊就有啦..
 
起碼..唔會拎起都覺得嬲先 :DDD


2013年1月3日 星期四

又買 XD 香水+ 脫毛機!!

 






繼上次買完CHLOE LOVE 香水..
今次再買..
里個味比較上係自然D..無咁女人味..XDD










好..買完里個..就到今日既正題..
今日要講既呢..就係每個女性都會覺得好麻煩既毛毛!!!!

我.. 係已經用左5位數字..係出面做左個Upper Lip , Under Arm 同 Bikini line..
好貴!!!!!!!!!! 所以 我決定買返部家用激光脫毛機試下..!!!
平好多囉!!! 如果WORK既話..

那那那!!!.. 我係買之前都做左幾多RESEARCH嫁..
最後..買左里部RIO既 Salon Laser Scanning Hair Remover!!




我只係揀左SCAN 20個毛孔個部..
基本上.. 所有有得賣既地方都會放60個毛孔個部..
所以如果係要既話..就要出聲問人拎..

我自己覺得.. 20個毛孔都夠NA..
雖然會耐D. ..
但我諗 我自己係一個咁細既area應該唔會有60條毛掛..
頭髮咩?!....









UP既張單上里..
因為里個PRODUCT都搵左唔少人做試用..

講真...人地搵得你做試用..
你都會避重就輕咁去講..

所以..我真金白銀買返里..
我就唔會留手咁講..

20個毛孔賣緊$3250.. 60個毛孔 貴多 千幾 :(



 









 打開左.. 係咁既樣













那..
打既位置SIZE就係中間里個方形既位置..
所以..我自問里細個位應該無60條毛掛......














要用KEY開既..再入密碼..
安全D.既做法.
不過.. 你買得激光里D咁危險既PRODUCT就預左要收得好...
如果俾小朋友拎到..後果就真係承擔唔去起!! 












肉腿 :)





 






先脫毛!!!















開始!!!!
係橙色燈..要放到一個位係變做白色燈..
(代表2邊都CUP到實..唔會走光)
就接個制開始..
一路會聽到"DO"同白色光係到閃..
直到橙燈返里..先會完成個個位///


20個毛孔既分別係..."DO"好耐!!! 真係暈~~

有D位都幾痛嫁..FEEL到係真係燒緊個個毛孔咁!!!







一D都唔洗怕會重複打..因為你會見到好似我咁既效果
D一格格好清楚咁見到曬..
但都幾細格..
打到眼都特.."dp"到煩...3個鐘都只係得一邊..想死 :(





不過最後...都希望佢有效既...

2012年12月13日 星期四

我的化妝品

應承左你地會分享我既化妝嫁!

其實我覺得 化妝既技巧唔係一朝一席..

化妝方法大同小異youtube大把啦!! 唔洗我再做多次!!

要化得靚係真係需要練習..搵一個自己岩既妝!!

人地化俾你睇幾靚都唔代表岩自己嫁!!!

唔講化妝技巧..我里講化妝品..

好直接..我唔富貴!!買唔起成set既高級化妝品..而且好用!!先係最重要

base..我已經無用好耐..因為make up tutor講過..
base既作用不大..最大係搽多層野..

好!!.. foundation..我係用shu uemura既..
 我曾經係佢既fans..好鍾意用佢..
的確上..佢真係幾好..
買既時候問過sales.
里個款係最good..因為佢既厚度好適中..
如果你都好似我既皮膚咁唔需要太多既遮暇,,里款就ok了



至於仲有2款佢既foundation.

膏狀既
如果你既皮膚超多野要遮..先好用!!
因為係好厚嫁..成個面具咁嫁!!

 泡泡狀
里隻係好透薄既..姐係話你既皮膚好靚..
or 你好需要一隻好薄既foundation..
or 你唔需要遮暇.. 只用於返工..禮貌上既make up..
泡泡狀就岩既你要求 :)





遮暇!!!! 好重要嫁!!
我個黑眼圈好勁嫁!! 係遮左都好覺眼!!
以我暫時用左咁多隻..
最ok既就係佢 - canmake





















至於定妝!! 我都係見好多人推介..所以去買lavshuca
如果我無記錯..
佢得2個model揀..
一個係超遮暇..一個就係里個美肌..
買既時候我都1516..因為超遮暇個色係比較深d..
美肌就白d.. 而我係tan colour人..
不過最後都係試左里個..

又幾ok 喎!!! 一用就愛上左..唔會厚囉!! 





















eyeshadow!!!
我用etude house買既閃粉色做底同前半眼窩既eyeshadow
後半係shu uemura既閃啡..
細個覺得eyeshadow求其咪得囉..
直到用左d貴小小既..先發現感覺差好遠!!!
last得耐d同上色好d!!!





其實 如果你唔係好有錢
or追求365日唔同色eyeshadow既話
普通里講..買1-2個色既eyeshadow就夠啦..
好用既eyeshadow比 100個唔好用既eyeshadow更重要!!









eyeliner!!!!!
其實我真係有好多eyeliner既product..
筆..液..膏都有!!!
而我近派就用緊里隻!!
唔記得咩brand..係卓悅買既!!

其實我d眼皮有d特別..間唔中會3摺..間唔時又2摺..又有時係內雙..
水腫?! 又唔係wor!!! 所以好難估..
內雙既時候最無奈..用邊款都無用..一樣摺到上一條,,下又一條既眼線..
所以.. 算吧啦..方便..岩心水咪用囉!!
至於
我現家用緊液狀..
好處: 方便..易畫到好幼既線..
缺點: 唔好既液狀..會太水or唔黑..核突!!

膏狀..
bobbi brown or shu uemura 我都用過
好處: 好夠黑..分量自由控制..效果ok嫁!!
缺點: 救命!!每一次都要洗支刷..唔係乾左會硬曬.. 趕時間真係千萬唔好用!!!
的確上..出里既效果好好..但因為我真係覺得好麻煩..所以都好少用..

筆狀.
好處: 易控制..
缺點: 好難搵到支好!!..如果太硬既..會整到眼痛都未畫得到!! 太軟既..畫到一舊舊掉出里!!


眉GEL!!
里樣野..唔係個個需要!!
如果你眉粗既..可以唔用!!
唔亂既都可以唔用!!
唔係有就一定要用嫁...
好睇你岩唔岩!!唔好人講你就買!!曬埋D無謂錢!!

那!!
我條眉其實好粗好黑...係可以唔洗用里個
不過如果係同我一樣
係粗眉大眼又有神既美女們..
我就提議可以試下里個..

因為我唔用..化埋個妝..個樣超惡..嚇親D心靈弱小既人..人地都會覺得你好難相處..

我用左D最淺色既眉GEL中和返我條咁黑既眉後!!..NICE左勁多囉個樣!!!!

所以... 通常我多多少少都會用D..唔想咁惡!!



胭脂!!
我現家就用緊maybelline既礦物胭脂!!
估唔到咁好!!!又平!!
仲有個mini掃送添!!
好貼好幼細!!! 色既選擇唔多..但出里效果就VERY GOOD!!
不過提提你..因為佢好上色嫁..所以要輕手D!!


那那那..
白皮膚既你... 用咩色都OK既..睇下你想做咩效果啦

但如果
你好似我咁係TAN COLOUR既LADY!!
千萬唔好用PINK!!!! 唔係下個馬蹓屎忽就係你!!!
如果你比較深色..用D橙色既胭脂已經OK嫁啦!!


仲有
光影同陰影!!
因為識人既關係.. 買MAC有平就買左里2個..
我天生扁鼻同方面!!
唔整..會好似PIZZA嫁..
不過.. 記住..我地係好平凡既人..
化完妝都要坐地鐵.. 光影同陰影...有就得啦..唔洗誇張!!

早幾日睇TVB既籌款節目..
見到港姐張名雅個妝!!
我真係尖叫左聲...

咩事呀佢?! 佢個光影同陰影未免太誇張啦掛!!!
仲要係講緊..係電視到睇已經咁誇張..真人咪........

佢個D真係幾乎同唱大戲既厚度比美呀!!
 上電視..係應該重手D..但佢今次真係OVER左太多啦..

陰影仲重手到好似好污糟..所以!! 千萬唔好做第2個佢!!!




最後...嘴仔唔可以唔記得嫁!!!
唔好懶...無論你個唇色幾靚..都唔好唔搽!!!!因為你既唇色係唔會FULL DAY都一樣色..又一樣襯個妝..
仲有..
化妝..焦點..唔應該多..所以如果你既重點係眼..嘴就可以低調D!!



潤唇好重要..唔係幾靚色都死啦..
乾到甩皮就真係醜啦..

好唔好用?!

無咩所謂喎我又覺得!!

無毒咪得囉!! XP








里個係我用上面既化妝品化既妝


而我..  真係好想講一樣野!!

化妝..只係一種修飾!!!
唔係整容!!

唔需要化到好誇張!!
妝前妝後2個樣!!

化妝既原意只係令人更靚..
造假既化妝..無異係令你見到一個好靚既人..
見到自己變左做里個人..
但其實..里個唔係你囉!!!
 樣貌係屋企人俾你既..應該要好好咁珍惜..接受自己既唔完美!!學習點同自己相處!!

化到個妝咁濃..只係一個面具..
浪費咁多錢放係化妝品..不如去整容啦!!

但提提你.. 整完唔=更靚.. 無人可以保證!!
如果..你咁好彩整到好似angelababy咁..
恭喜你..
但你只係一個倒膜既公仔..
無特色.. 無個性..

靚..唔只係個樣嫁!! 仲包含好多野!! 咁大個女..唔好咁膚淺啦..
你又唔係7老80..
如果你已經係里個年紀..去整..我好佩服同支持!!
因為追求既唔係做另一個人.. 只係回復年輕既自己...


P.S 我有朋友既皮膚唔好.. 仲KEEP住勁化妝
我好理解.. 自己接受唔到咁見人.. 但我都希望佢地多D留係屋企..
唔好化妝..俾皮膚透透氣..咁先會好嫁..

化妝.. 有時係一種禮貌..
但唔化妝..唔代表你無禮貌.. 只係你錫自己既皮膚..俾個機會佢放下假姐..

 

2012年12月6日 星期四

香水!!

一次過出3篇?!
好誇張呢...
無法..之前趕report無法寫..
草埋草埋..現家得行d就拎返曬上里啦!!

里派唔知做咩有d引去買香水!!!
其實我平時係唔搽既..

因為.. 我覺得唔化妝有香水味好怪..

有化妝個妝又要襯香水..

麻煩!!!

 不過..里半個月傻左咁..已經買左2支
 第一支係dior 既Christian Dior Escale a Portofino EDT 
前調:加勒比香檸檬、意大利圓佛手柑、西西里香精油
中調:杏仁、橘子花、杜松、冷香料
後調:柏樹材、西洋杉、白麝香、香菜、樹脂膠

里個味道..唔係個個接受到..
因為個前調其實好搶!!
不過中調同後調都幾好嫁.. :)

  第二支係Chloé Love EDP
前調:甜橙花、粉胡椒
中調:紫丁香、風信子、藤花、天芥菜、木質氣息
後調:米粉香、鳶尾、麝香、粉質氣息

我超鍾意里支!!!
係諗左好耐之後..終於都係忍唔到手!!
帶左佢返屋企..
 
 個樽靚到!! 超愛!! 不過好怕同人撞味道 xD


我都諗過CHANEL NO.5 嫁..
都曾經有衝動..但衝動來自佢個BRAND同知名度..
嗅到之後就放棄啦!!!!!
好沖涼液既味道!! 咁不如返去沖多幾次涼!!
洗咩用成千蚊買里做香水 = =''


後記:至於 化妝 
多謝媽咪俾我既天生麗質
唔化妝都唔會嚇死人..
所以 我有得選擇性化妝
化妝既心得同介紹 
要下次先再講啦 :P